小小So向來都好鍾意汪圓圓，又靚又乖，皮膚又白滑，有日小小So見得閒就約圓圓歎下午茶，點知圓圓未坐低，小小So就發現佢隻玉手一撻撻，又紅又腫，真係睇到心都痛！
小小So：嘩！你隻手做乜？
汪圓圓：畀蚊針囉！
小小So：你屋企好多蚊？
汪圓圓：唔係屋企，而係出街等車時畀蚊針。
小小So：又會針得咁勁？
汪圓圓：我都唔知點解，總之我等等吓車，覺得對手好痕，一睇之下就嚇親自己，已經針咗好多撻呀！
小小So：你向來都好惹蚊？
汪圓圓：唔係，我喺加拿大二十幾年都未畀蚊針過，甚至之前去印度旅行都冇蚊針我喎！
小小So：又會咁？
汪圓圓：總之淨係惹香港蚊啦！
