有「百果園咪神」之稱的陳靜（DaDa），昨日率領師妹「翻版大S」李莉琳（Liz）及王梓如（Ayu）現身動漫節Gamania攤位，吸引約300人圍觀，她們穿上大會安排的爛Tee，當中以剪成吊帶款的DaDa最性感，她還即場為寫真集印上唇印！
DaDa自爆加墊谷胸，問到是否為對撼周秀娜，她說：「我睇報紙見過佢個造型，之前喺髮型屋亦撞過佢，但佢見我唔到，可能我冇化妝，認唔到我，平時都會打招呼。（周秀娜犯規入動漫？）我今日嚟做嘢，驚講錯咗引起罵戰。（你話之前同Carol楊梓瑤隔空罵戰？）唔知呀！（點解話Carol但唔講周秀娜？）唔係唔夠膽，係唔想有罵戰，始終一言一語好似嗌交。」另外，她表示公司通知她在人氣搜尋榜排名第2位，對於Carol自稱是第1位，她有骨地說：「可能我本寫真冇乜嘢睇，所以冇人搜尋好正常！」