三太昨日與愛女超蓮前後腳出席東華三院活動，姍姍來遲的超蓮身穿性感One Piece裙，露出「事業線」大晒青春本錢，活動後更要求與嘉賓周柏豪合照，十足小Fans。

超蓮怕醜地主動要求與柏豪合照。

三太（左起）、連詩雅和柏豪出席東華活動，善心爆棚。

對於超雲日前正式承認與拍拖不足半年的男友王大業（Andy）分手，三太說：「我覺得Andy唔係太差，冇做過咩壞事，唔覺得佢有王子病，呢啲名係你哋講啫！（超雲有公主病成日發脾氣？）如果發生唔開心事，點都有啲脾氣嘅，佢哋唔係兄弟姊妹，又唔係一齊玩大，要時間磨合。」

無意做和事老

至於超蓮則否認是柏豪的歌迷，堅稱現身非為追星，而是陪媽咪。談及家姐甩拖一事，她說：「我覺得佢冇公主病。（Andy有冇王子病？）唔答佢哋嘅嘢，以我認識嘅Andy都幾好人吖！（做和事老？）唔會插手，等佢哋自己搞掂啦！（情傷有冇唔開心？）唔覺喎！佢見到林峯都好興奮呀！」

柏豪則透露去年書展時與超蓮曾有一面之緣：「上年佢有嚟過書展搵我。（鍾意你？）冇話鍾意我，係支持我啫！我哋喺Facebook都有聯絡。（進一步發展？）嘩！呢啲要花好多時間，大家認識唔耐。」