身穿Valentino火紅色晚裝的Lynn，昨晚首次擔任港姐評判，憑性感紅唇及火紅Look造型出盡「峰」頭。至於擔任「最上鏡小姐」評判的陳法拉和劉心悠均性感上陣，心悠更戴上值四萬多元的頸鏈！

何傲兒（左起）、張嘉兒、陳茵媺、曹敏莉及葉翠翠齊以性感造型示人。

陳法拉（左）及劉心悠一個「夠深度」，一個夠閃！

當「天王嫂」Lynn在台下細心評分時，扮嘢王李思捷在問答環節模仿其緋聞男友郭富城的「鐵幕誘惑」造型，並以城城腔說：「大家好，我女朋友喺邊度？」鏡頭隨即轉向Lynn，起初忍笑的她，聽到「城城」獻唱「我的寶貝、我在想你」等冧爆歌詞時，終掩嘴失笑！

此時司儀叫J馬鈞怡教「城城」向另一半求婚，她亦幫口玩埋一份：「你知唔知熊小姐今日嚟咗之後，王祖藍即刻向佢展開追求，你快啲唱冧歌佢聽啦！」「城城」聞言即對着Lynn唱冧歌：「有你在我身邊，麻辣火鍋一齊打！」氹得她笑到見牙唔見眼！

唔覺大熱倒灶

完騷後，Lynn坦言不覺爆冷：「佢哋係我心水！（李文煊被指大熱倒灶？）冇睇所有女仔嘅新聞，唔知邊個大熱！（覺唔覺佢衰廣東話唔正？）唔係！」對於被李思捷版「城城」求婚，她直言不覺被擺上枱：「佢哋講得好好笑！（好真實？）吓！做騷啫！（想唔想城城公開求婚？）唔好當真！呢啲嘢得啖笑！」而評判之一的張家輝亦表示一直睇好(13)陳庭欣奪冠。