賽前被睇高一線的(8)彭慧中及(11)李文煊雖然大熱倒灶，但仍大讚得獎佳麗實至名歸。其中彭慧中直言能打入八強已算有交代，亦不知道是否因負面新聞而落敗。提到在外籍男士面前篤胸的舊照在賽前曝光，她說：「係兩年前影嘅！我都唔記得做緊咩！（你好開放？）同開啲外國朋友玩，我唔算玩得好癲！」期間無綫高層樂易玲及節目監製主動與她傾談，看似對她甚為照顧，問到是否被睇中簽約？她說：「唔係嘅！佢哋讚我表現幾好啫！」

彭慧中（左）與出爐冠軍陳庭欣密密斟，似乎並沒因輸獎而心存芥蒂。	口水多過茶的志偉與佳麗傾個不停。	港姐決賽圓滿結束，佳麗當然飲得杯落。

或重操故業

至於八強止步的李文煊亦惺惺相惜，大讚冠軍陳庭欣大方得體，亞軍張秀文捱病參選「好犀利」，她直言失落三甲不會傷心：「我好開心喎！（覺得意外？）冇諗過會去到邊！（輸在廣東話唔好？）要問番評判，家人都有嚟睇，都有讚我表現好，張天愛（提名人）都有讚！」她又表示未知會否參加試鏡，或會做回本身的工作。

比賽過程激烈，佳麗當然要擦餐勁當獎勵。

佳麗見Metro Vocal Group即表現興奮。