莊思明前晚為港姐決賽作最後綵排，其姊莊思敏出席S.T.Dupont活動時說：「唔係我選，但我仲緊張過佢！本來諗住Book埋酒店畀佢瞓，等佢唔使咁頻撲！」她表示除了仍在馬來西亞的弟弟外，全家都會到場睇妹妹比賽：「當然想佢得冠軍、入三甲！」她表示最擔心妹妹被曾志偉問一些刁鑽問題。問到有否事前叫志偉手下留情？她說：「冇啦！問題都係大會安排嘅，我冇乜貼士畀佢，希望佢唔好緊張！臨場表現最重要。」對於妹妹奪得季軍，莊思敏說：「媽咪最緊張，但知佢入到四強已經好滿足，一家人遲啲會同佢慶祝。（送乜畀佢？）可能係袋，或者游說爸爸送架車畀佢。（不如送樓？）應該可以啩！」
