王祖藍昨晚演出《咪咁扮嘢王祖藍演嘢會》尾場，老闆楊受成夫婦、鍾舒漫、詩雅、洪杰、蔡少芬、張晉和馬賽等捧場，林建名則拖女伴睇騷。詩雅坦言想向祖藍偷師：「成班英皇同事專誠捧場，我搞笑唔叻，但我都好想試吓舞台演出，雖然我知好難有呢個機會。之前我仲計劃去北京讀同電影或演技有關嘅課程，但原來最短都要讀一年，同公司請假一年根本冇可能，但搵人教我一個月又冇人肯！」
而祖藍在完成三場演出後說：「想再加場。（轉戰紅館？）唔得，我呢啲雞騷，細場搞同觀眾親近啲。好開心偶像盧海鵬同盧大偉嚟睇，自己最鍾意Handelababy變小丑嗰Part，好想快啲重演！」
