容祖兒、徐濠縈和黃偉文等潮人昨日應邀出席I.T開設的Gareth Pugh專門店開幕，品牌設計師更專程來港撐場。祖兒身穿品牌的緊身連身裙到場，她笑言早前試了數件鎮店之寶，並有意在11月個唱時，找Gareth Pugh為她度身訂造戰衣，問到會否加入自己意見？祖兒說：「如果佢肯，我乜嘢都得，唔使我畀橋。（挑戰性感極限？）未諗，我冇乜底線，林峯嘅演唱會又玩火又玩水，我都唔可以怠慢。」

安以軒（左）和阮經天為i.t瀋陽開幕擔任嘉賓。

黃偉文 Gareth Pugh頸巾$12,499 大褸 $49,999 襯衣 $2,199 徐濠縈 Gareth Pugh 3D皮帶 $29,999

兩點變保護色

記者笑問是否夠膽穿上品牌的露乳裝？她豁出去說：「可以o架！你唔好大我！（露點喎？）你哋搵唔到嘅，我會將佢變成保護色，底線好浮動！」祖兒更揚言個唱服飾將會不惜工本，十月她便與黃偉文到巴黎入貨：「我同公司攞咗兩星期假，我想搵一條古董裙。我過兩日就會減肥，希望減十磅，最好變人乾就啱。」

而徐濠縈被問到早前在微博與網友展開罵戰，她坦言對方不走運：「我平時唔係個個留言都睇，但我覺得佢寫嘅嘢好討厭，所以我都不甘示弱還擊，我已經將佢列入黑名單。」

阿徐擬再造人

談到早前老公陳奕迅（Eason）生日，阿徐語氣即時緩和：「生日當日，我哋一家人同朋友食中菜慶祝，我冇送禮物畀佢。（送BB畀佢？）會，但遲啲先啦！我享受做時裝生意。（賺夠400萬可以養多個？）呢個重擔交畀Eason。」

此外，i.t及http://www.izzue.com前日在瀋陽開幕，並邀得阮經天和安以軒擔任剪綵嘉賓。