模特兒莊思敏（Jacquelin）昨日在微博訴苦，指被倫敦金買賣人呃錢！她還公開對方的名字及相片，希望靠微博廣大力量將對方「起底」。Jacquelin透露事件年多前發生，對方借錢不還後銷聲匿迹，至今仍無音訊：「嗰時有朋友跟佢買賣倫敦金，我幫手開咗個戶口仲擺咗五萬蚊。其實我驚風險大又冇乜興趣，諗住唔郁啲錢，但佢話保證唔會輸，仲話輸咗佢畀。」
豈料不出一個月後，對方輸掉所有錢，還叫她再入錢，Jacquelin說：「跟住又輸晒！之後佢就好似蒸發咗咁，試過搵佢做嘢間金行但對方唔負責任。（報警？）我問過律師意見，依家始終未搵到佢，我又冇文件證明損失，報警都要等搵到佢先處理到。」
