亞視昨日「怒炒」筱靖，雖然她明年五月才約滿，但亞視力數其「三宗罪」，決定提早解約，更因對方犯錯在先而毋須賠償。筱靖昨晨急見新老闆王征，最終保留工作簽證，與亞視保留合作關係。
亞姐出身的筱靖早前因拒與o靚模演出對撼港姐節目《青春無敵Free D水運會》，觸怒公司及接警告信。其後，她將警告信上載到微博呼冤，亞視有感她明踩自己的製作，開會後決定解僱她，亞視高層鄭偉強說：「我哋對事唔對人，有合適工作會再搵佢。」
被炒魷的筱靖昨日激動落淚解釋：「水運會嗰次係我屋企有事，我補番請假紙又唔得！至於喺微博公開警告信，父母喺內地好擔心，咪喺微博寫出嚟等佢哋安心，冇諗過件事咁嚴重。（點打算？）我會反省吓先，其他唔想講咁多！」