賭王三房長女超雲與皮草太子爺王大業（Andy）拍拖未夠半年，一直高調出雙入對，直至昨日被本報踢爆兩人因脾氣不相投而分手。超雲昨晚以黑色低胸吊帶打扮，與男助手突襲林峯演唱會。她大方接受訪問，自爆心情很好，但提到甩拖傳聞只說：「唔想講呢方面嘅嘢。（感情狀態？）唔可以講係唔係單身，依家係冷靜期，大家相處耐咗，認識多咗，少少唔夾好正常。（傳爸爸唔鍾意？）何生對我每個朋友都好客氣，相信佢唔會講呢啲嘢！」超雲表示現時跟Andy的關係只屬「朋友」，但不知道會否有復合的可能。

一連四場個唱順利完成，林峯與台前幕後舉杯慶祝。	林峯合唱後欲咀祖兒，可惜慘食檸檬。	林峯壓落徐子珊身上扮咀嘴，意識非常大膽！

祖兒拒師弟索吻

一連四場的林峯演唱會昨晚圓滿結束，無綫幾位高層及好友亦有撐場，包括樂易玲、陳法拉跟男友薛世恒、吳浩康及女友莊思敏、江若琳與鍾舒漫等。林峯在台上頻頻放電，還特別將與徐子珊的熱舞「加辣」！他將子珊壓在跑車上，除衫之餘又借位錫錫，惹來女歌迷尖叫抗議。師姐容祖兒擔任嘉賓，兩人合唱《痛愛》後，林峯打算重演電影中錫錫戲份，可惜遭祖兒推開嗌停：「呢個係屬於你嘅地方，我點敢要你錫我？」

陳法拉罕有地與男友出席公開場合晒恩愛。

鍾舒漫（左）與江若琳齊捧林峯場，還不停大聲吶喊為他打氣。

遭女歌迷扯爛衫

期間，林峯落台跟歌迷握手，豈料有女歌迷伸手狂扯及為他抹汗，最終連歌衫也被扯爛！完場後，歌迷仍不停叫Encore，他再次上台唱歌答謝歌迷，忍不住流下男兒淚。完騷後，林峯舉行慶功宴時坦言，與子珊「加戲」欲增添氣氛，但未有觸碰到敏感部位。問到為何緋聞女友鍾嘉欣未有露面，他說：「唔知呢！係咪拍劇呀？（分手？）你哋放過我啦！」子珊則透露臨時加戲原來從沒綵排：「身為女性有少少被動囉！但都唔尷尬！」