官恩娜（Ella）、衞蘭、黎耀祥及羽翹等昨日出席室內農莊活動，幾位女星不約而同狀態麻麻，先有剛剛落機的Ella以黑超示人，堅持不肯除低影相，她說：「去咗三日馬來西亞宣傳唱片，啱啱落機就嚟呢度，連妝都趕唔切化！」衞蘭前額爆瘡，相信是與忙於籌備演唱會有關，她說：「呢排已經戒肉，希望可以排毒。（個唱籌備成點？）依家有做運動Keep Fit，我想搵唱片公司以外嘅歌手做嘉賓，希望可以搵到陳奕迅。」同場的黎耀祥表示不反對兒子談戀愛，認為男生對異性有興趣很正常，更指幾年後會教育兒子性知識。
另外，衞蘭前晚擔任林峯演唱會嘉賓，兩人合唱獲得全場熱烈掌聲。
