風靡全球的日籍魔術師Cyril昨晚在港舉行首場表演，吸引大批圈中人捧場，包括李嘉欣、許晉亨、張智霖、袁詠儀、李璨琛與女友及錢國偉等。每逢現身必成焦點的嘉亨，昨晚選擇循秘道進入會場睇騷，估計是不想搶去Cyril風頭！

放大圖片	李璨琛與女友、錢國偉與李家聲分別結伴睇騷。	放大圖片

至於原本亦是由秘道進場的張智霖及袁詠儀（靚靚），則應記者要求折返場外接受訪問。向來鍾情魔術的張智霖笑言自己亦是一名魔術師，最愛玩啤牌，並直認Cyril是其偶像：「以前喺網上睇過佢好多片，今日嚟吸收多嘢啲，希望出年演唱會有用！（演唱會表演魔術？）呢個概念好好，想畀多啲嘢觀眾睇。」

未嘗玩魔術冧女

由於囝囝魔童年紀尚小，張智霖笑言不會在不知神奇為何物的囝囝面前表演魔術。問到老婆靚靚有否欣賞過他的魔術？他即大笑說：「係人都鍾意睇我表演！」雖然魔術造詣高，但他卻搞笑地感嘆從未試過靠魔術追女仔：「細個唔識玩，到咗識玩又冇得追女仔喇喎！呢啲最啱係攞嚟氹小朋友！」