郭富城與舒淇十年前合作電影《風雲雄霸天下》，更曾在同一屆奪得金馬帝后，如今二人在陳木勝新片《全城戒備》中再度合作，城城笑言十年後的舒淇少說了「粗口」，皆因她以前因廣東話不靈光，經常鬧出諧音字粗口的笑話。他還指舒淇很細心，有場戲二人逼在狹窄車廂內，肥仔造型的城城未能攞紙巾，幸得舒淇出手相助，他笑說：「我仲摸到佢手仔呀！」

城城與舒淇是舊拍檔，一個眼神已默契十足！

談到電影，城城總是滿腔熱誠，滔滔不絕。

對於二人的緋聞，城城說：「今次都有傳，我哋傳足十年啦！呢啲我哋控制唔到，但我哋唔使靠呢啲宣傳。」談到最難忘的戲份，他說：「變種人嘅肥胖造型令我皮膚敏感，要入院醫治，有場戲又講我畀貨車撞，玻璃割傷手，血流如注，仲有場戲我要衝埋一百個反應彈度，壓力真係好大！」

成日換男友

至於舒淇大讚城城專業，全無怨言，還笑言戲中與城城沒有接吻戲，感到可惜！單身的舒淇相當享受在電影中可與不同男演員「談戀愛」的感覺：「我都幾花心！今日可以同郭富城拍拖，第二部戲又可以拍葛優，期待下一部同另一個，只要一叫Cut又可以即刻分手，咁拍拖都唔錯吖！」

談到十年前的城城，舒淇說：「當年佢係好紅嘅歌星，冇架子、好照顧新人。今次再合作，佢對電影熱誠冇變過，幾危險嘅鏡頭永冇Say No。」戲中她飾演的角色自私自利，出賣友人換取利益，她笑言演到「自己都好嬲自己」，覺得好恐怖。對於角色被指影射侯佩岑，她說：「啲新聞好無聊，好荒謬！」