司徒法正與無綫藝人梁嘉琪主持的《詭異檔案》，首集嘉賓請來麥玲玲大談「撞鬼」經歷，她笑言有時打麻雀會感覺到身邊有很多「麻雀鬼」在團團轉，令她「周身唔聚財」及經常冇胡食！不過，她有獨特驅鬼妙方：「將自己副牌排到亂七八糟，咁樣就可以成功趕走『麻雀鬼』同有胡食喇，我成日靠呢招開胡o架！」
另一次「撞鬼」的經歷雖然不太可怕，卻令麥玲玲深深感受到何謂「人情冷暖」，更大呻男人信唔過：「好多年前有晚我同啲師兄弟一齊幫某個樓盤睇風水，雖然個戶主係男人，但佢應門嗰陣竟然係細路仔聲，嚇到我哋當堂面都青埋，但我啲師兄弟竟然仲呃我話啲鬼唔會搞女仔，叫我入去先喎！幾冇男士風度呀！」
