周麗欣曾參與由庾澄慶（哈林）及鄧健泓主持的《味分高下》，並擔任「味之天使」的「士多啤梨」，她透露愛趁炎炎夏日到沙灘游水消暑：「我好鍾意游水，但天生皮膚白，曬極都唔黑！」為保持苗條身段，她前年開始學習中國舞，更有機會代表舞蹈團演出，令她雀躍不已：「九月喺尖沙咀文化中心有個世界舞蹈文化交流活動，我哋個團會表演一隻舞，希望可以畀老師選中出場表演！」

讚鄧健泓有女人緣

最近忙於拍攝無綫新劇《點解阿Sir係阿Sir》的Doris，飾演一名3歲小孩的母親：「第一次做人阿媽，原來同細路仔合作好高難度！佢好怕醜又有性格，平時好少接觸其他人，佢都算對我好，肯畀我拖手仔，但有時都會扭吓計，成日要同佢玩『捉你』遊戲，跑到我冇晒氣！」對於盛傳舊拍檔鄧健泓戀上龔嘉欣，Doris亦戥對方開心，並笑言鄧健泓向來有女人緣：「因為佢份人好有正義感，其他女仔都覺得佢好好人！」