最近工作忙碌的鍾舒漫（Sherman），同時宣傳新書及新碟，連休息時間亦欠奉：「每日瞓得兩三個鐘，係我人生極限，不過得到好大滿足感！」並直言對處女寫真散文繪本寄予厚望：「裏面有好多繪本作品，算係完成細個心願！（有性感相？）最緊要啲甫士同意識令人覺得有型同充滿藝術感，好多外國模特兒都影Topless（無上裝），仲影得好靚添！」
另外，Sherman去年憑《給自己的信》狂掃多個獎項，問到會否對新專輯倍感壓力？她說：「做嗰陣冇，但做完就有！朋友都話要我Keep住個勢，如果唔係驚後勁不繼，不過呢啲嘢冇得預測，最緊要係做到最好！」甚少傳緋聞的她直言無暇談情：「之前有遇過鍾意嘅人，但唔算係拍拖！（要靚仔？）入行後見得太多靚仔，佢哋唔會咁易令我動心！」