莊思敏體形纖瘦，但原來仍十分留意減肥資訊，她笑言減肥妙法除了是每日堅持吃早餐外，近期風靡娛樂圈的針灸減肥法亦相當有效：「聽人講係打啲線入身體度，咁樣就可以減肥，兩星期減到10磅。（副作用？）冇，淨係做完Treatment唔可以飲酒。（但你咁忙，邊有時間食早餐？）點都食個包或者餅乾囉！食咗早餐新陳代謝先會快，個人先會瘦。」
雖然努力Keep住瘦身材，但矛盾的是，莊思敏同時是為食一族，尤其面對最愛的生蠔及翡翠螺等海鮮，必難以忍口：「我最鍾意食日本同法國蠔，日本蠔勝在夠爽同夠甜，好Juicy，尤其係珍珠蠔。法國蠔就勝在海水味重，有大自然味道。」
