馬詩慧（Janet）與王敏德甫到Spa店即不停鬥嘴，十足歡喜冤家，期間Michael露兩手，為愛妻按摩，原來他是腳底按摩高手，Janet一臉甜絲絲地說：「平時佢喺屋企唔會幫我按摩o架！淨係會幫啲仔女！」原來Michael愛在家中為子女做按摩師，他認為有助增進一家人的感情：「我會一路播歌，一路同佢哋按腳，我都諗緊有冇人會請我做Part-time，最好有3,000蚊一個鐘！哈哈！」

放大圖片	體貼的Janet為老公按摩。

指o靚模是「另類行業」

早前o靚模於書展搞得滿城風雨，模特兒出身的Janet認為她們其實是另類行業：「佢哋嘅工作性質同正常模特兒做嘅嘢，可以話係完全唔同，只係外界喺佢哋嘅統稱度加咗個『模』字啫！」

談到女兒日後出路，Janet不反對她們長大後做模特兒：「如果佢哋將來要做Model，我都會支持，但要完成學業先，依家佢哋都有以玩票性質出席公開活動，但全部都以唔影響學業為大前提，至於將來嘅嘢，就將來先算啦！」