新八模的陳靜儀（Mia）與郭秀雲之子錢景峰曾打得火熱，兩人拍拖不足半年，育有一子一女的Mia有傳遭郭秀雲棒打鴛鴦，月前終告分手，郭秀雲早前曾指兒子錢景峰已有新女友，似與Mia劃清界線。眼見舊愛火速另結新歡，Mia亦不甘示弱，頻頻夜蒲，在Facebook中更發現大量夜蒲照中，可見Mia勁受男士歡迎，吸引不少狂蜂浪蝶！Mia分別與八仔貼面搭膊影相，舉止親暱，成為風頭躉，又在群男中高舉勝利手勢，可見甩拖後的她玩得勁High，似是向錢景峰示威。

「我好多男性朋友」

問到甩拖後有否積極結識新男友，Mia說：「夜蒲嗰啲相係英國嘅朋友，識咗好耐，我本身都有好多男性朋友。（有人追求？）依家多咗人約食飯，但我冇同佢哋單獨約會，去街都係成班人，費事畀人誤會！依家揀男朋友會認真，唔係玩玩吓！不過都係工作至上同照顧屋企人啦，感情隨緣啦！」

自言以工作為先的Mia，昨日繼續力谷寫真，還出動女兒幫手，上載她的照片到微博，並寫道：「我可愛的淇淇戴了我的帽子在幫我宣傳寫真，別人都說她跟我長得很相似。」