周秀娜與JC被禁現身動漫節攤位，昨日二人趁動漫節未開鑼，雙雙殺入會場示威！可光明正大入場的「生還者」陳靜（DaDa），昨日亦到會場為Gamania宣傳，可惜因收起「事業線」而被周秀娜與JC搶盡風頭！DaDa自嘲說：「可能我知名度唔夠，所以先畀我入場，都算係另一種開心嘅！」
同場還有以「破邪天使」造型現身的孫慧雪，頻頻離罩的她說：「做足安全措施，包括貼乳貼。（有人多手摸？）唔會，我有武器同經驗！」而「妄攝女」林玲（Kinki）與曾麗儀（Debby）則現身Xbox攤位，問到會否擔心被撕衫，Kinki語出驚人說：「如果係，我會除番佢哋件衫，所以唔好撕我哋！」不過，二人的隊友「爆E超蓮」鍾永慧（Iris）出席《三國英雄會》活動時，竟支持動漫節趕絕o靚模：「唔畀去好合理，唔使有騷亂。」
