本為參展商Enterbay一連三日在動漫節宣傳的「浸大E神」楊梓瑤（Carol），最終被大會禁足，昨日她提早殺入場，並預告今、明兩日以顧客身份入場：「我唔覺得我係知名人士，只係新手上路，唔明點解會咁。」問到是否因寫真集意淫關係，她說：「我覺得唔成立，亦唔會承認，書展係公開搞活動，但動漫節係私人，咁都限制好唔公平！」對於冬甩以動漫大使身份「任我行」，她說：「總之真係好無聊，每樣嘢都令人費解！如果陳慧琳、千嬅呢啲知名人士嚟，係咪又唔畀入場？（聯同Chrissie反抗？）冇用，上次投訴都冇回應，講多嘥氣！」其後，她手持iPad代表展商宣傳，並向排隊的動漫迷派T恤，但遭保安制止，她一度「偷雞」派發卻慘食檸檬，場面尷尬！