多位iPhone 4迷昨晚獲邀出席CSL iPhone 4體驗派對，方中信、Ana R.與陳志雲等各獲贈一部，方中信坦言期待已久，但相信新機一定會被太太搶走：「冇辦法啦！想要多部但缺貨。」他透露最近正斟洽新片，趁空檔享受家庭樂：「我冇咩可以做，想滾又滾唔到，咪做運動同煮吓飯囉！不過都好享受，人生改觀晒，原來喺屋企可以咁開心！」問到會否趁機生多個，他說：「上天恩賜咗一個禮物畀我，唔使恩賜多個喇！」
至於Ana R.則被問及o靚模被禁現身動漫節攤位一事，她力撐好友Jessica C.與其他o靚模不同：「係大會安排有問題，唔係Model有問題。」
