萬眾期待的iPhone 4今日正式在香港發售，昨晚3香港舉行《3ree iPhone Night》派對，吸引鄭裕玲、林莉、梁漢文、蘇永康與Mandy Lieu等多位城中名人蜂擁而至，每人更獲大會送贈電話。

林莉在一年內遺失四部電話，十分大頭蝦。	即將出閣的曹敏莉面頰脹卜卜，似乎心廣體胖。	身穿大露背短裙亮相的Mandy Lieu，為獲贈新電話而興奮！

自覺變潮人有話題

罕有在晚上出動的DoDo，坦言因想率先擁有iPhone 4而出席，她說：「如果唔係都唔會嚟，我係iPhone嘅Die Hard Fans，由第一代已經用。（唔買水貨？）我一直用行貨，經驗話畀我知，行貨有保養。」她興奮地大讚此手機好用：「可以上網Check Email，我之前有Palm、記事簿同Call機，依家全部取消，成個人潮咗，同人傾偈都有話題！」問到有否用iPad，她表示當然不會錯過，至於會否用iPad畫畫，她說：「唔會，我鍾意用紙，iPad太細。」問到大會是否重金邀請，她表示為了iPhone 4十分值得，但不會逗留至12時。而昨晚約10時，DoDo在台上獲大會高層送贈特別版iPhone 4，成為首位由官方途徑擁有此手機的藝人。

蘇永康	偕太太Karen現身的梁漢文，與老友蘇永康對新機同樣期待。

林莉唔見4部手機

同場的林莉則透露一直使用iPhone，但一年內遺失了4部：「依家大會送，可以重新開始，之前唔見電話，只怪自己唔小心！」問到有否查看男友的手機，她說：「冇試過，我亦唔怕畀人睇，做嘢時會放低電話，唔會跟身！」她表示手機內不會有情慾照，只有家人、朋友及貓狗的照片，亦不會有不見得人的短訊。