為慶祝草蜢入行廿五周年，昨日三位成員舉行記者會，宣布將於10月23至26日假紅館舉行《25草蜢演唱會》。被草蜢視為亦師亦友的阿倫，以潮Look打扮到場贈興，不過阿倫見草蜢穿上西裝時，抱怨說為配合主題，特別蠟高頭髮，着T恤及將牛仔褲「攝」入Boot內扮o靚撐場，阿倫說：「我個頭Set到好『行』，只係落雨『滋潤』咗少少。」

演繹經典金曲

阿倫送上形容為「冰鎮身份證」的冰雕做賀禮，表示這是「銀禧人」入會證，以後草蜢都是「年年25歲」。蔡一智笑問可需要舉行破冰儀式？而蔡一傑亦搞笑問：「唔係破處？」阿倫解釋「冰鎮身份證」和「車震」無關，之後傑仔不慎開快了香檳，阿倫取笑說：「後生仔即係後生仔，咁急！」其後，草蜢透露將在演唱會中獻唱前輩級的經典歌，傑仔說：「會唱師傅梅艷芳、張國榮、羅文、陳百強同阿倫等嘅歌。」由於只得25首歌的「名額」，故他們提議歌迷可在網上投票，選出心水。

Mr.	草蜢獲贈「冰鎮身份證」，與阿倫（右二）一同為演唱會造勢。

此外，阿倫昨日偕Mr.及陳奐仁出席《太陽計劃會考放榜打氣大會》，問到兒子曉風是否需要考會考，他說：「佢讀嗰啲唔係呢個機制。」