吳雨霏（Kary）與周柏豪昨晚出席zucca時裝騷，她透露剛從日本返港，從機場趕來：「我差啲嚟唔到，滯留喺機場，因為黑雨啲行李運唔到嚟，航空公司話遲啲會寄番去我屋企，不過喺機上啲氣流好勁，嚇到我標冷汗，我不嬲驚搭飛機。」
周柏豪則表示忙於九月的舞台劇，將與香港先生袁偉豪一同演出，因袁偉豪在劇中有僅穿底褲的場面，他擔心導演會臨時改動要他裸露，所以最近不忘Keep Fit。問到可否接受只穿內褲上陣？他說：「冇所謂！靚就得，趁青春留倩影，我嚟緊出碟封面都有一大『凸』破，只着Leggings。（現『袋』？）都會！因條褲好緊，所以要健身，希望有多啲腹肌！」
