周秀娜（Chrissie）與Jessica C.（JC）日前被動漫節大會以「怕引起灣仔區騷動」為由，被禁現身攤位宣傳。有見及此，參展商XBox馬上變招，力保兩位擔任嘉賓的女神能亮相宣傳。Chrissie與JC今日將現身動漫節中XBox攤位大舞台，供傳媒採訪及拍照，公關公司代言人鄧小姐說：「本來邀請佢哋做開幕嘉賓，依家出席唔到，大會話驚人流問題，我哋邀請佢哋喺預展現身，淨係得傳媒唔會驚有人流問題啦！大會知道佢哋會出現，批准咗可以影相，不過如果到時佢哋要禁止都冇辦法。」
對於成功出席動漫節，周秀娜語帶雙關說：「個Game出咗兩日，而且香港仲係第一個亞洲國家試玩，我能夠成為其中一個高知名度人士試玩，感到非常榮幸。」至於Jessica C.則說：「心情冇咩特別，反而緊張聽日着咩衫，要同Chrissie夾衫，因為要配合大會主題。（會唔會着得性感啲搶鏡？）啲衫係大會安排，應該大家嘅性感程度都差唔多。（將你同Chrissie比較？）預咗人哋會比較，希望大家都一齊靚啦！」