模特兒諸葛梓岐（Marie）獲日本環球唱片公司睇中，簽約成為旗下歌手，成為首位港模以女歌手姿態殺入日本樂壇！據知，日本環球相當重視與Marie的合作關係，為力谷她上位，打正以歌手身份殺入日本的港o靚模旗號，以迎戰進軍日本巿場的「界女神」Angelababy。

日本環球近日密鑼緊鼓為Marie於九月空降的演出和首個MV造勢，並豪擲五十萬港元給她拍攝首個MV！Marie將於下月中飛赴日本展開拍攝，更籌備九月的公開演唱和MV首播。

除了攻日做歌手，Marie更密謀攻台拍攝偶像劇，近日連番赴台洽談，工作忙得不可開交，再加上模特兒工作，可謂三棲發展，幸好日本環球願意遷就檔期，足見她的受重視程度。

陪媽咪旅行叉電

本報記者就此事聯絡上身在外地的Marie，她接受電話訪問時坦言不方便回應拍MV和台劇的消息，只透露與媽咪旅行叉電，她說：「媽咪都知我嚟緊會好忙，佢話如果我再唔陪佢，就唔要我呢個女，好彩公司又體諒，畀我放幾日假陪媽咪，做番個孝順女。」

此外，對於被指男友薛嘉麟送二手車，Marie直斥報道內容失實：「大家笑完就算喇！我冇時間理無聊雜誌寫嘅無聊嘢，開心、健康、工作，先係我要積極面對嘅事情。」

面青唇白吊鹽水

另外，Baby的工作行程仍排得密麻麻，昨日她的日本助手Mimi便在微博上載一張Baby吊鹽水的相片，見她面青唇白，疲態盡現，助手透露Baby因為行程太緊密，需要補充一下體力。