29/07/2010

播放本新聞相關短片

Ana R.突然有料谷行事業線

本文重點
Lisa S.的好姊妹Ana R.昨晚盛裝到賀,早前隨Lisa到南非做伴娘的她,昨晚不但滿場飛幫忙打點,又以超性感造型谷胸上陣,惹來隆胸疑雲!至於Lisa的模界好友亦紛紛到賀,絕對是名模匯聚的一夜。

昨晚的吳彥祖及Lisa S.婚宴上,全場最落力的可謂新娘子的好姊妹Ana R.,早前Lisa在南非舉行婚禮時,她亦隨行擔任伴娘,昨晚她亦相當落力,經常滿場飛為一對新人打點。

平日甚少谷胸示人的Ana,身穿一襲性感黑色貼身裙上陣,谷出4吋「事業線」,艷壓全場,卻因上圍突然強勁而惹來隆胸疑雲!心情靚爆的她說:「我條裙喺新加坡Top Shop買,3百蚊(坡元)咋!對鞋就係Christian Louboutin。(Lisa遲啲喺拉斯維加斯擺酒,你去唔去?)我會去,會去一個禮拜。我好羨慕佢,好戥佢高興,搵到個Perfect Guy!(你嗰個Perfect Guy呢?)我都想有一個,但依家仲未遇到一個可以好似佢哋咁結婚,我仲未有結婚時間表。」

周汶錡真空上陣

除Ana外,Lisa不少名模好友亦有到賀,包括周汶錡(Kathy)、李嘉慧、歐陽妙芝、楊崢、Rosemary、陳沛嘉、趙嘉懿與貝安琪等,當中以Kathy較為性感,真空上陣的她,身穿一襲黑色Jill Stuart吊帶裙的她,配以Balmain高踭鞋及Christian Louboutin Clutch Bag,高貴迷人!問到真空一事,Kathy笑說:「我冇嘢睇o架!(有冇留意o靚模嘅報道?)冇喎!揭吓睇完就算。(佢哋身材好勁?)個人喜好,我睇完就算。(幾時輪到你結婚?)呢個問題講咗好耐,再講嘅話,我嘅Dream就唔會Come True喇!」

Click選心水港姐,請瀏覽on.cc東方互動《香港小姐2010》專輯

名人組