28/07/2010

播放本新聞相關短片

關菊英買手袋 Willy甘做阿四

關菊英自從公開與同性密友周偉利(Willy)的關係後,經常形影不離,甚至在跑馬地豪宅共築愛巢。日前二人拍拖到中環購物,Willy爭着做「阿四」拿戰利品,對菊姐呵護備至。

現年51歲的關菊英與已故「公仔麵大王」周文軒姪女周偉利(Willy)交往三年,經常孖公仔拍拖行街,向來愛得低調的菊姐,更於年前在Willy位於跑馬地的豪宅共賦同居,感情有增無減。之前菊姐趁母親節,與Willy偕母親及契媽李香琴到新加坡旅行,可見Willy早已視菊姐家人如親人,一家人相處融洽。

日前約下午六時半,身穿大花上衣、孭着Chanel手袋的菊姐,與穿上恤衫西褲、一身中性打扮的Willy拍拖到中環Shopping。兩人先在置地廣場一間專賣手袋及皮鞋的名店閒逛,甫進店內,二人即分頭行事,各有各睇,菊姐獨自在女裝部睇手袋,而Willy則到上層睇皮鞋。

雖然Willy不在身邊,卻無損菊姐購物心情,她於手袋架前挑選,並對款式較大的手袋情有獨鍾,期間她拿起一個白色皮手袋研究,又向店員詢問意見,其後索性孭上身在鏡前左照右照。

盡顯「紳士」風度

擾攘半小時後,菊姐終於覓得心頭好,並坐在椅子上等候店員將戰利品包好,期間致電Willy示意離開。Willy接過菊姐的電話後,即由上層趕落地面,主動為菊姐拿取大袋戰利品,繼而再推開玻璃門等菊姐步出,甚有「紳士」風度。

二人隨即往客戶服務中心後,再步往酒店門外取車,當記者問二人是否拍拖行街?菊姐友善地說:「唔係!行吓街啫!」其後登上Willy的平治座駕,由Willy當司機接載離開。

追蹤組