鍾舒漫、HotCha與莊思敏等昨日出席公開活動，對於動漫節以人氣過盛為由拒絕周秀娜（Chrissie）入場，莊思敏說：「好多歌手或藝人都會出席動漫節，人氣一定勁好多啦！（咁真正理由係咩？）可能驚控制唔到佢會做啲咩囉！」身為微博迷的她，經常舉行抽獎送禮物給Fans，希望拉近大家距離：「好多衫、手袋甚至零食都會送，我問過Fans，大家都話唔介意收二手衫，但最緊要係衞生！（周秀娜送二手Bra？）如果係內衣或者泳衣就冇可能啦！咁樣好唔衞生！就算洗幾次都未必完全乾淨！」
鍾舒漫則透露其寫真反應不俗，令她非常開心，更有意推出畫冊：「希望每幅畫好似一張張Poster咁，點知我同書商講完，佢哋一口答應，仲話今年內幫我出，真係好開心！」而其新碟《ONE MISSION》將於本月底推出，並繼續走型格路線。