對於周秀娜與Jessica C.先後被動漫節封殺，杜汶澤與林建明都替她們不值，杜汶澤說：「我覺得社會出現咗『泛道德』（道德氾濫）情況，香港本來係好自由嘅地方，但依家好似愈來愈唔同，其實管得愈嚴，只會反擊愈大。依家嗰啲模特兒寫真，我哋細個已經去日本百貨公司買，只係嗰陣影嘅係日本人，但依家係香港人啫！」
至於林建明則認為有關方面應一視同仁：「最緊要係公平、公正，唔好呢個畀嗰個唔畀，其實只要安排好啲，控制到人流、秩序就冇問題，佢哋又唔係犯法或者害人。依家太多呢啲限制風氣，香港最寶貴就係自由，應該畀佢哋發揮創意！」
