劉嘉玲被拍得與內地富豪的親暱照，相中的她小鳥依人般從後攬着對方手臂，頭靠在對方肩上，而男方的手則搭在其大腿上！對此，梁朝偉透過澤東發言人說：「我睇過啲相，覺得係正常嘅社交，我絕對信任劉小姐。」至於嘉玲的經理人方面則表示，不回應旗下藝人的私人問題。
另外，嘉玲好友吳君如昨日出席護膚品牌COSME DECORTE活動時被追問此事，她面有難色地說：「咁點呢？你想我點答？有時我同朋友去街都會翹手，我並唔代表劉嘉玲答呢個問題！（識嗰個富豪？）我唔識。（婚後要避忌？）我唔會，拍戲都有親熱戲，我會戲假情真，我真係好鍾意古天樂o架！陳可辛都知，不過佢好放心。」
身穿Lanvin低胸裝的她，昨日大騷事業線，問到是否撼o靚模，她笑說：「呢條係地平線！」談及曼谷日前發生炸彈爆炸，她表示下月會如期帶女兒到當地探嫲嫲，至於造人計劃，她透露陳可辛下月要到雲南拍戲：「嗰度易有高山症，我驚大家唔夠氣！」