離開咗香港兩年去台灣發展嘅蔣雅文（Mandy），早排再次喺香港「蒲頭」，原來佢專程返嚟探媽咪同順便驗眼。Mandy同小小So講早排發覺對眼唔係好舒服：「我向來好重視眼睛嘅清潔，從來冇試過發炎！我去驗眼先發現原來我眼部血管增生，原因係以前成日戴大眼仔同有色隱形眼鏡，因為長期佩戴令眼部血管缺氧，所以搞成咁，聽講嚴重嘅話仲會影響視力！」
身為過來人嘅Mandy呼籲大家唔好為貪靚而長期佩戴有色隱形眼鏡或者大眼仔，如果令到視力有問題就後悔莫及，佢依家都改咗呢個習慣，淨係選擇對眼睛健康嘅隱形眼鏡，小小So都希望各位女士要謹記Mandy的教誨，唔好再「愛靚唔愛命」！