容祖兒（Joey）昨日接受查小欣電台訪問，將於下月底參與《Summer Pop演唱會》的Joey透露會翻唱師傅羅文的金曲，而歌衫亦會交由幫師傅做歌服的陳華國設計，她說：「師傅話喺台上演唱時唔好理人哋！要望住自己，突破自己就得。」提及有傳續約英皇條件是將泳兒打入冷宮，她說：「自己都唔知，以前對呢啲新聞好緊張，但依家輕鬆咗！出道咁耐相信大家都好了解我，霸道係冇用嘅！」

陳偉霆（右）、容祖兒與吳雨（左）擔任評審。	祖兒與陳偉霆出席活動，當然要一齊合照啦!	容祖兒（右）指泳兒不懂說話才惹外間誤解。資料圖片

Joey承認十年約已結束，現再簽五年合約，問有否加人工或減抽佣？她笑說：「我係親生女，呢啲嘢冇咁容易嘅！」她又笑謂近期化妝好「行」，顯得個樣好惡，而泳兒個樣比較慘，她力撐師妹說：「佢係一個鍾意唱歌嘅女仔，只係比我更唔識講嘢！」

陳偉霆擔任評審

此外，容祖兒與陳偉霆日前為《one2free Musicholic英皇新秀歌唱大賽》擔任評審，問參賽者的外貌是否重要？Joey說：「當然要聲色藝俱全啦！不過又唔使好靚！學Mani話齋，要有觀眾緣就得喇！」