為催谷寫真集銷量，Jessica C.（JC）昨日到書展宣傳，並在兩名黑人保鏢護駕下現身，吸引數十名Fans包圍，場面一度混亂！更有Fans邊爆粗邊衝前握手。談及有傳Carol出招以「推油」冧Fans，JC一臉愕然：「我會諗啲原創同合理啲嘅方法！（問准男友？）佢實唔鍾意！」似暗寸Carol做法過火！

JC昨日再到書展宣傳，依舊吸引大批宅男圍觀。	Carol否認被學校開除，相信謠言止於智者。	Carol識做地挨着買書的男粉絲，果然深明「冧客之道」。

否認被浸大開除

約一小時後，Carol亦到書展攤位造勢，並客串Sales，可惜反應一般，她表示不知與JC同場：「見唔到佢喎！（真係幫Fans推油？）我幫佢搽太陽油喺塊面同手度啫！（JC話好唔正常？）我覺得好正常，保護皮膚啫，我日日都搽！」

對於有網友要求淫審處覆審其寫真集，Carol說：「既然通過咗，就唔使浪費公帑。（針對你？）唔係，當幫我宣傳囉！」她又否認被學校開除：「我同學校溝通過，從來冇聽過佢會開除我！」對於因「浸大E神」之名而被指招搖，她其後透過電話回應：「個名係傳媒幫我改。（想搣甩個名？）梗係想，不如叫我做『大圍E神』，我住嗰度！」至於浸大發言人則說：「唔會對個別學生作出評論，佢係成年人，有責任處理自己嘅事。」另外，她昨日為手錶展任模特兒時自爆，一直視JC為偶像：「由佢拍內衣廣告開始為佢着迷，好Sexy！」