在圈中廣受梁朝偉、任賢齊、曾志偉及舒淇等推崇的泰國白龍王，日前因病入院，入院原因眾說紛紜，有指他食蟹後感不適，亦有傳他感冒菌入肺故入院求醫，更有傳他已秘密來港就醫，但據可靠消息透露，白龍王因肺氣腫入院，並一度送進ICU，需要插喉醫治，情況令人擔憂。舒淇日前亦第一時間向導演劉偉強查詢白龍王的情況，猶幸白龍王已度過危險期，最近已逐漸復原中，亦已轉回普通病房。
對於有指白龍王來港醫病，上周曾探望他、現正忙於做電影後期的劉偉強說：「白龍王仲喺泰國，冇嚟香港醫病。」他指白龍王精神不錯，但暫時未能出院，因仍有些少咳嗽及痰，但體檢報告已出，證實無大礙，希望數日內可以出院。王晶亦否認白龍王來港：「白龍王仲喺泰國，佢身體復原中。（佢要插喉？）總之係細菌啦！插喉係幫佢清痰啫！」
至於身在泰國的白龍王大徒弟則說：「師傅依家冇乜嘢，大家唔使擔心，佢一直都冇離開過泰國，亦唔會去香港，我將傳聞轉述畀白龍王聽，佢聽完一笑置之。」