羽翹日前被黑客刪除YouTube短片後，對方再語帶恐嚇在板面留言「你試吓再同記者講」。為安全起見，她昨晨在母親陪同下往警署報案。她說：「警方話因為留言冇寫後果，唔可以構成刑事恐嚇，但就對我嘅YouTube戶口被入侵展開調查。（擔心人身安全﹖）都會，如果只係留言或者鬧我都係好小事，但入侵電腦就係惡意嘅破壞。」

羽翹坦言為安全起見，會小心出入，工作以外會留在家中，昨日母親亦特意陪她出席活動，她續說：「家人好擔心，好在我同屋企人同住，我爹哋都算係孔武有力。」

連詩雅和周柏豪（右）即場示範廚藝。

李卓庭（左起）、羽翹、連詩雅、周柏豪和關心妍（右）齊出席活動。

擔心人身安全

其後，羽翹與關心妍、連詩雅與周柏豪等出席「黃埔新天地」舉辦的《第八屆明火食神爭霸戰》記者會，羽翹接受訪問時，身邊有一名男子傍實，她說：「佢係公司請嘅保鏢，陪我出席活動，公司擔心我嘅人身安全。」

對於犯案者，羽翹稱不排除是親友所為：「我諗緊刪除咗我嘅短片，會對邊啲人有好處。（係咪心目中有人選﹖）有某啲經常留言嘅人囉！（你之前有冇得罪人﹖）我真係唔知邊啲說話會觸怒人。」

另外，本報昨日收到讀者爆料，指羽翹的YouTube並未遭黑客入侵，而是羽翹將YouTube短片私人化以博同情，對此，羽翹的經理人說：「我覺得好可笑，羽翹真係報咗案，冇可能報假案。」同場的關心妍表示婚後較多下廚，最拿手炮製泰國紅燒豬手。