白龍王插喉劉偉強：希望過幾日出院

深受梁朝偉、任賢齊和舒淇等圈中人信奉的泰國白龍王，日前因患病入院，更曾嚴重得一度插喉！而他入院一事則眾說紛紜，有傳白龍王患感冒，王晶則指白龍王食蟹「出事」，但亦有傳他已從泰國轉送本港醫院就醫。不過，身在外地的導演劉偉強，昨晚接受本報訪問時則表示，剛從醫院探望過對方，並說：「白龍王精神OK，不過就未出得院住，佢仲有咳同有啲痰，報告出咗就話佢冇乜嘢。（幾時出得院？）希望過幾日啦！我聽日都返嚟喇！」