Amusic揸弗人黎明（Leon）前晚紆尊降貴，偕總經理張家豐聯手為新寵JW音樂會做司儀，贏盡歡呼聲的Leon，即席講金句教Fans為JW吶喊：「可能JW嘅W係英文單字最多音，A就A，B就B，大家抄起佢！」當JW獻唱第一首歌後，現場反應未見熱烈，他再「出口」力撐：「大家係咪食完飯未消化到？」
被問到為何身形嬌小的JW全晚企在傘裙上唱歌，Leon急急解畫：「呢個係舞台設計，唔好誤會我哋隱藏JW高度！」並反擊網友對JW的質疑：「未聽隻碟已經話唱片封套唔好，又話到係咪同一人唱，將M字倒轉就當W！」他又慨嘆樂壇大倒退，希望大家多注意音樂：「唔好成日搞到記者問你係咪處女！」最後他宣布JW將於本月29日出碟，並希望她任衞蘭10月個唱的表演嘉賓。