書展明日閉幕，有份出書及寫真集的女星盡最後努力搏命出招吸客！傅穎連日來到書展「出巡」，為寫真集造勢，周秀娜則在書展以外的地方以流動車搞簽名會，鬥晒人氣。對於傅穎質疑有人將寫真銷量誇大，Chrissie只說：「我諗佢冇呢個意思。」雖然兩人否認不和，但湊巧昨日同日再出招，「胸」誘宅男。

傅穎昨日於鑽石山荷里活廣場舉行新歌發布會暨寫真集簽名會，姊姊、同性好友及大批龍友粉絲撐場。傅穎力谷「事業線」兼露打底Corset獻唱新歌《加加夫人》，期間更自摸由胸部掃到下身，與男舞蹈員跳辣身舞外，又任由女舞蹈員的手在嬌軀游走，意識大膽！而在她Encore後，有人質疑她第一次獻唱是咪嘴，唱片公司即否認。

對於被摸，傅穎不表尷尬：「綵排時Dancer唔夠膽摸落嚟，我叫佢哋揸落嚟添！（自摸？）我有摸胸同下身，不過冇摸大髀內側，嫌做得唔夠多。」她表示年多沒有在香港舞台獻唱，更揚言歌衫會一套比一套激，其後換了另一套跌膊衫為逾百名粉絲簽名，場面熱鬧！

交換寫真「講和」

談到與Chrissie因寫真集銷量鬧出是非，傅穎澄清：「絕對冇針對同懷疑佢。（有人篤數？）唔知，只係一件好簡單嘅事。（佢好慶？）我哋好Friend，佢明白係娛聞一則。」

至於Chrissie前日因着錯衫失威，昨日即換回低胸裝率領師妹連走兩場，於銅鑼灣及灣仔鬧市為粉絲簽名，還自封「周圍簽」。問到傅穎質疑銷量一事，Chrissie說：「我同佢冇誤會，我哋拍緊一部打排球嘅戲。（佢好波？）球技唔知，我哋講好遲啲交換寫真。」對於死敵Angelababy無視她為對手，她說：「冇諗過同任何人比較！（Baby暗示自己唔似你辛苦宣傳？）唔覺辛苦，公司租車搞簽名會，方便Fans又唔會造成混亂。」另外，周秀娜與新八模決定明日書展閉幕日結束前兩小時殺入書展，經理人指她們會帶同飲料和食物，到攤位答謝工作人員，但不會為Fans簽名，也不是在此謝票。