鍾舒漫（Sherman）唱得之餘畫功亦了得，在書展推出的新書中便有其繪本畫作。對於突然「升呢」當漫畫家，Sherman說：「未係，但我細個好鍾意睇漫畫，又追睇卡通片《美少女戰士》邊睇邊畫，所以當年夢想係做漫畫家。」雖然現時做歌手，但她仍未有放棄畫漫畫，家人朋友如霍汶希、洪卓立甚至老闆楊受成也是其筆下對象！某年老闆生日，她便畫了一幅素描像作為賀禮。
提到最大目標，Sherman希望成功推出一本漫畫書，但現階段仍需努力：「我有試過去構思一個人物故事，然後畫成漫畫，但好多次畫到一半就覺得畫得唔靚，所以仲未畫到一本完成作品。」她坦言希望在樂壇做出成績後，可將漫畫放進音樂中 ，製作一首漫畫MV及唱片封套。
