昨日o靚模決戰尖沙咀，有份出書的李蘊和「E Cup Baby」劉欣宜卻避走粉嶺出席活動，問到是否刻意避風頭？她們說：「唔知佢哋喺尖沙咀搞活動，而呢個活動一早Book咗我哋時間！」對於有指o靚模寫真欠藝術性兼意淫，李蘊說：「每個人睇法同角度唔同，最緊要係我哋影得健康，同埋支持我哋嘅人覺得有藝術性！」
此外，劉欣宜被本報拍得與4anda成員Jason拖手逛傢俬店，但仍否認蜜運：「咁啱我搬屋，嗰日Jason咪陪我去揀傢俬囉！我哋只係好朋友，總之關係未到穩定，我唔會作任何回應！」對於被拍得拖手，她愈解愈亂，強調與4anda感情要好，問到是否拖勻四子？她尷尬地拖着李蘊的手：「我夠拖李蘊啦！」
