傅穎（Theresa）昨日跌膊騷長腿現身書展，連巡三個書攤為寫真造勢，吸引大批Fans圍觀，期間與Fans有講有笑和拍照，她坦言滿意寫真反應︰「眼見反應幾好，但唔知賣咗幾多，同公司有共識唔講。」提到對手銷量，她語帶質疑，似暗指銷量領先的周秀娜（Chrissie）︰「冇可能講到咁勁！（周秀娜賣萬幾本？）可能計埋其他地方，書展冇可能咁快賣咁多！識好多人做書展，今年銷情確實比往年差。」

周秀娜四出宣傳，還移師公園與Fans齊齊坐鞦韆簽名，認真「別開生面」！

放大圖片

Theresa事後致電澄清其言論不是針對Chrissie︰「唔係針對佢，我講成個書展，睇新聞報道都知人流比往年少！我都識佢，點會針對朋友呢？」她透露會等Chrissie和Jessica C.送寫真，又會以寫真加散文集作回禮，笑言她們十分「着數」，而她自知「事業線」欠奉，難與二人比較！

傅穎到書展出巡，大玩跌膊兼騷長腿。	Fans團團圍着傅穎，把現場擠得水洩不通。	Fans聞風趕至支持周秀娜，場面墟冚！

被嗌阿姑鬧阻街

另一邊廂的Chrissie昨日穿上黑色連身裙現身尖沙咀，連踩兩場簽名會，對於Theresa質疑寫真銷量，她聞言即作出反擊︰「冇呢個意思，數字係出版商話我知。」其經理人補充說︰「頭兩日連漫畫店已賣過二萬本，書展賣一萬七千本。」不過問會否拿出證據時，Chrissie寸爆地說︰「多謝大家留意，今年行唔到書展，但會去睇樓，遲啲睇吓我買咩樓咪知囉！」對寫真女王之位明顯信心十足！

此外，Chrissie首場簽名會吸引近百Fans支持，場面墟冚，可惜諸多阻滯，被一位阿叔投訴阻街說：「個阿姑阻住我行！」不過她扮聾繼續拍照，大會惟有將活動移師公園進行。Chrissie首次在鞦韆上簽名，坐下時不經意露「事業線」滿足Fans，她還自覺着錯衫︰「好開心，有咁多人支持我。（有阿叔？）唔會尷尬。（畀人叫阿姑？）香港有好多地方可以行，唔係得呢度！」她又表示男友已看過其寫真，問到寫真銷量？她稱賣出逾二萬本（昨晚九時半更正為25,000本），透露公司安排加印，仍未破去年紀錄。

同Baby爭地盤

對於外界抨擊o靚模寫真意淫，Chrisse力撐寫真多元化︰「我唔覺得，我自己喺法國影，同上次唔同，追求更多。」問到Angelababy被指抄襲？她稱未有時間看對方的寫真︰「唔會咁睇，影得靚就可以，最緊要知自己做緊乜。」她又稱睇報紙得知與Baby簽名會同區，笑言似電影「古惑仔爭地盤」。另外，Chrissie在金紫荊廣場舉行第二場簽名會前，因在尖沙咀站違例泊車而吃告票。