瑞士腕錶品牌英納格昨晚在北京王府井百貨大樓廣場舉行《關心生命．擁抱月熊》慈善展覽開幕禮，出席嘉賓包括Yumiko、鍾舒漫（Sherman）、張馨予及國民校花孫文婷等。Sherman身穿露背裝上陣，甚為性感，相比Yumiko的密實打扮更勝一籌！

張馨予大露背上陣，令人眼前一亮！

眼見黑熊公仔親近，Sherman（左）與孫文婷反應不一。

雖然打扮清純，但Yumiko仍吸引大黑熊公仔埋身，還被攬腰至近臀部的位置，難怪她也愕然地說：「黑熊好熱情，初時都畀佢嚇親！但知佢睇嘢唔清楚，唔係有心！黑熊好可愛，應該去保護，成日殺佢哋會絕種！」提到有指她打算離開英皇的傳聞，Yumiko即急急否認：「續約咗唔短日子，今年會多啲拍劇，明年就想出唱片，我唔想因為拍劇而忽略出唱片！」她還透露將與謝霆鋒到山東拍古裝劇，怕當地太熱而中暑。

「F Cup小喬」想出寫真

至於曾與張致恒傳緋聞、「F Cup小喬」張馨予亦以大露背裝上陣，她笑言因要封胸！問到會否來港發展？她表示順其自然：「有導演搵我拍戲都會！（認識香港邊個模特兒？）Angelababy！周秀娜都聽過，覺得Angelababy特別可愛！（你身材好過佢哋喎！）大家身材唔同，路線亦唔同！我都想喺香港出寫真集，但就冇諗住同佢哋鬥！」