古天樂昨日以代言人身份出席《馬諦氏蘇格蘭威士忌發布會》，陳樂榣亦有到場。因黑雨關係，古仔遲到約45分鐘。談到酒量，他表示自小受媽咪訓練：「細個去飲，佢已經教我飲啤酒，大個去婚宴、慶功或者唔使開工，都會飲吓酒，但開工就絕對唔會飲。（飲醉會點？）我飲醉係會唔出聲去瞓覺嘅人。（咁咪好安全？）係囉！」

有六位美女相伴，古仔認真艷福無邊。

陳樂榣出席發布會，即場品嘗威士忌。

至於他主演的英皇電影《鎗王之王》在內地票房逾億，古仔謙稱是導演功勞，希望找機會宴請台前幕後，問到已成「票房靈丹」可會加片酬？他說：「我嘅片酬有加有減，遇到成本低嘅好劇本我會減，最緊要係劇本好同拍得開心。」

讚曉明有潛質

此外，近日古仔經常穿梭中港開工，他透露今次返港不足24小時，便要返內地拍《單身男女》，接着到上海拍《倩女幽魂》，日前才在北京拍百事可樂廣告的他，談到廣告拍檔之一的黃曉明被指整容，古仔說：「人哋嘅嘢我冇辦法回應，佢係一個好有潛質嘅演員。（係咪好靚仔？）我會睇人嘅內涵，佢係有獨立思想嘅好演員。」