蔡瑩瑩撐DaDa幫手賣書

未有推出寫真集的o靚模蔡瑩瑩（Ivy）透露想往書展支持同門的「百果園咪神」陳靜（DaDa），她說：「點撐DaDa？見到本寫真即買！我都想入去書展，幫手賣佢哋本書，刺激銷量，不過要睇公司安排。」問到可會走性感路線？她說：「有『事業線』先可以騷，身材好就畀人欣賞，只要靚就可以，但公司叫騷我對筷子腳。」

早前與曾國祥鬧出多角戀的Ivy，被問到現時的感情生活，她說：「以工作為主，做嘢好少識到男仔。」她希望挑戰主持工作：「有去試鏡，試過講全英文，好大挑戰，會有好大成功感，不過廣東話就容易啲爆肚。」

Click選心水港姐，請瀏覽on.cc《香港小姐2010》專輯

23/07/2010