本文重點
陳山聰早前被指與拍拖十年的女友「好事近」，但他坦言現時是搏殺期：「婚我一定會結，但BB就絕對唔會生囉！」
陳山聰最近在無綫一劇接一劇，處於搏殺期的他，早前被指與拍拖十年的女友「好事近」，對此，山聰說：「唔會係依家囉！結婚只係一個儀式嚟！我一定會結，冇得走，但啱啱喺無綫踏出微微一步，想儲多少少錢先，咁結婚都可以結得型啲嘛！」
問到有否打算生小朋友時，山聰想也不想即說：「絕對唔會，因為女朋友唔鍾意小朋友，我哋又鍾意四圍去，我阿媽好開通，冇逼我，仲話唔結婚可以同居添！」
山聰返回無綫十年，他不諱言現時播映的劇集《施公奇案II》，相比以前拍的是最多戲份的一個劇，以往一向演奸角的他，變為多演搞笑、傻仔角色，他笑說：「自從拍完《律政新人王2》後，監製知我原來係傻嘅！我唔單止可以做奸仔，都可以做傻仔。」
被勒令增肥
稍後，山聰將在另一套新劇中飾演皇帝，雖然他身形標準，但卻遭監製勒令增肥：「我平時一星期跑步四日，依家要減到兩日，慣咗又唔可以唔跑，最多跑完食番多啲嘢，狂食雪糕囉！」
《施公奇案II》收視報捷，山聰開心的說：「套劇第一集收視就已經有平均33點，我哋好開心，其實都拍咗兩年，我同Bobby（歐陽震華）都好心急想出，今次呢個捕快角色，可以話係我嚟無綫十年以來最多戲嘅一個，所以好好期待。」