Zoey望搞公仔展覽會

陶喆前緋聞女友岑潔儀（Zoey），平日予人感覺性感，原來私下喜歡儲森林家族公仔：「我讀五、六年級時已經鍾意森林家族，佢哋得意又精細，夢想有日集齊全套森林家族，將佢哋擺喺屋企個廳正中央度展覽！」講起心頭好，Zoey乘機自爆戀事：「以前有個男友，送咗對寫有我哋生日日期嘅公仔畀我，真係心都甜晒！其實我睇中咗間森林家族嘅大屋好耐，售價三千幾，始終唔敢買！唔係唔捨得，而係間屋實在太大，我驚買咗會畀媽咪鬧，惟有睇相止渴！」