葉翠翠最近在新劇《情越雙白線》中，破格飾演傷殘人士，劇中因出勤時被飛車黨撞至殘廢，情緒大受打擊，戲內不時激動失控：「戲裏面個人好忟憎，情緒成日都要好激動，又要失控狂喊，成個人好躁，鬧人鬧到自己心跳加速！拍呢啲戲要培養感情，喺化妝間啲同事見到我好似咁躁底都怕咗我，唔知我發生咩事，其實我培養緊感情啫！拍嗰幾場戲嗰陣，啲同事都唔敢行埋嚟，諗落都幾好笑！」

翠翠入行已有一段日子，是時候要作突破了！

現實中斯文有禮的翠翠，對劇中經常要罵人大感不慣。

家傭疑爆格決追究

翠翠坦言藏在骨子裏的躁底潛能，近年也有爆發時候：「可能個人成熟咗，識得據理力爭，近年遇到不平嘅事，都會力爭到底！之前懷疑屋企畀印傭爆格，真係從未試過咁嬲！以前可能會息事寧人處理，不過依家一定會追究到底！」